ياريت …..
بواسطة »
الوقت \ التاريخ :
23 أبريل 2017 || 5:41 م »
المشاهدات : 666 مشاهدة
بقلم الشاعر محمد عبد الواحد –
خدك اذا قاربته وي لون الورد ما ينعرف
خجلان منه شما أكول من الوصف
يا من الك بالطيب كله تعترف
بغيابكم عاباني وكتي وما نصف
دايم يظل حظنك الي شاطي وجرف
إنسابق الموجات لاحظانك زحف
والهوه يزف الموج للشاطي بشغف
تطويه موجات المحبة بكل لطف
وعيون وي الموج مشتاكه وترف
للشاطي تتمنة تبوسك يا ترف
يا ريت مثل الموج ياخذهة الهوه
العشك بس ماي وشمس
وعيون جن تهمس همس
مشدوهه جنهه بليل ومضيعة العرف
يا ما جروح بفركتك من الهوه تعبت نزف
ما حصلت بس السهر
ودموع ما تقبل تجف
يا ريت مثل الموج احسن بالامان من الولف
ياريت اركب موجتك ما بين خدك والزلف
بلكن يحن الشاطي للموجه ويظمنهه بعطف
