امس واليوم

بقلم الشاعر عبد المجيد المحمداوي –
مو مثل امس … هاي الليالي العسرت بالخوف
لا مو مثل امس
من جانت الدنيه ضوه
والعين
مروده الشمس
والفرح …. مو نفس الفرح
والحزن .. مو نفس الحزن
والهمس .. موذاك
الهمس
والورد .. موذاك
الينث عطره ….
ويغازل
ضحكة احديثات
ويطوف بعرس
هسه
الورد ذبلان …
من كثر اللمس
اليوم
كل عاشك صفه
ماخذته
صفنه .. بنص درب
يبجي جذب ويضحك جذب
ويموت بهمومه غصب
وجان شحلو طيف الشمس
ضحك .. ومودة .. وشوك وظنون ولعب
جان الامس
كلش عذب ..كلش عذب ..كلش عذب