بقلم الشاعر الدكتور عبد المجيد المحمداوي –

يانديم الليل والحب والشجن

وين الكه الروحي من بعدك وطن ؟

تيهيته .. وضاعت بممشه الدروب

وجبل من هم عثرة خلالي الزمن

ويوم نجمك غاب … من يمي ومشه

الوحشه وهموم الوكت

كاهن اجن

عاشرني وكلبن بيه الجروح

وسكته خلني بعذابي

وماحجن ..

وغيرك انته منين الكه

الروحي طيف ؟

من اجيب الضحكه

لو كلبي صفن ؟

ولو عثر جدمي

بدروب وانته بعيد

منين اجيب الشوف

لعيوني انعمن ..

صعبه يلعمرك

مشت بيه السنين

هم الك ظنه .. يردن

لومشن

ولو ردت تنسه ..

ونويت اعله الوداع

شلون انسه

وحبك بروحي سكن

وانت ياشريان عمري البيه اعيش

يطينك الحري

الك سري اندفن

وانت تدري بغير مايك ما اعيش

ولو اموت يجوز ينساني

الجفن